سعودی عرب میں اتوار کو کورونا وائرس کےایک دن میں سب سےزیادہ 1223 نئے مریضوں کی تصدیق ہوئی ہے۔

سبق ویب سائٹ کے مطابق ترجمان وزارت صحت ڈاکٹر محمد العبد العالی نے کہا ہے کہ ’ کورونا کے کل مریضوں کی تعداد 17522 تک پہنچ گئی ہے۔

ترجمان نے کہا کہ کورونا کے مزید تین مریض ہلاک ہوئے کل اموات ایک سو انتالیس ہوگئی ہیں. پچھلے 24 گھنٹوں میں ایک سو بیالیس افراد صحت یاب ہوئے اب تک شفا یاب ہونے والوں کی تعداد دو ہزارتین سو ستاون ہوگئی ہے۔

سب سے زیادہ مریض مکہ مکرمہ میں ہیں جہاں ان کی تعداد 272 ہے، دوسرے نمبر پر ریاض ہے جہاں 267 مریضوں کی تصدیق ہوئی ہے، مدینہ منورہ میں 217، جدہ میں 117 اور بیش میں 113 مریضوں کا اضافہ ہوا ہے‘.
عنیزہ میں54،دمام میں51،بریدہ میں20،جبیل میں19،ہفوف میں17،بقیق میں 17،العارضہ میں14،طائف 
میں10،ابو عریش میں10 نئے کیسز سامنے آئے ہیں.