وزیر صحت کا کہنا ہے کہ سعودی عرب میں کرونامیں مبتلا مریضوں کی تعداد  11631 تک پہنچ چکی ہے۔ گذشتہ24 گھنٹے کے دوران سعودی عرب کے مختلف شہروں میں کورونا نے مزید 1147 مریضوں کی تصدیق ہوئی ہے۔ مزید 6 افراد کی ہلاکت کے بعد اب تک اس وبا سے 109 افراد ہلاک ہو چکے ہیں۔
سعودی خبر ایجنسی ’ایس پی اے ‘ کے مطابق ترجمان وزیر صحت ڈاکٹر محمدالعبدالعالی نے پریس کانفرنس میں بتایا کہ ’گذشتہ24 گھنٹے میں سعودی عرب کے مختلف شہروں میں زیرعلاج مریضوں میں سے 150 افراد صحت یاب ہوچکے ہیں جس کے بعد اب تک اس مرض سے صحت یاب ہونے والوں کی مجموعی تعداد 1640 ہو گئی ہے۔'
منگل کے روز کرونا کے سب سے زیادہ مریضوں کی تصدیق مکہ میں ہوئی جن کی تعداد 305  تھی جبکہ مدینہ میں 299 ، جدہ 171، ریاض 148 ، الھفوف 138، طائف 27 ، الجبیل 12 ، تبوک 10 ، خلیص 8 ، بریدہ 6، دمام 5 ، المخواہ 3 اور عنیزہ، الھدا، عرعراور ظھران میں 2 ، دو مریض سامنے آئے۔
حایل عسیر ، الجوف ، القنفذہ، القریات، سبت العلایہ ، القریع اور الباحہ میں ایک ، ایک شخص میں کورونا وائرس کی تصدیق ہونے کے بعد سعودی عرب میں مجموعی مریضوں کی تعداد 11631 تک پہنچ چکی ہے
وزیر صحت کا کہنا ہے کہ کورونا وائرس سے بچاو کےلیے سماجی رابطوں سے دوری انتہائی اہم ہے، اس اصول پر عمل کرتے ہوئے ہی محفوظ رہا جاسکتا ہے اس لیے یہ ضروری ہے کہ کرفیو کی پابندی کریں اور کرفیو اوقات میں نرمی کے دوران بھی بلااشد ضرورت گھروں سے باہر نہ نکلیں